السعوديّين همّ بس اللي رجال؟؟؟؟؟

[شمس الأصيل]

السلام عليكم وررحمة الله وبركاته
اخواني واخواتي اعضاء احلى منتدى
عندي اليوم موضوع او ظاهرة او اللي تسمونه مسببلي شوية نرفزة وهو خاص بالبنات اوالحريم اكثر؟؟
واللي حسب مشاهداتي الخاصة انا منتشر في المنطقة الشرقية والغربية والجنوبية
اللي هو حكاية الحجاب فيه بنات تقولك عادي اكشف وجهي قدام اي رجل بس اهم شي ما يكون سعودي !!!!واقرب مثال السواقين اختنا في الله كاشفة طول الطريق ولما تنزل من السيارة غطت وجهها؟؟ ولو راحت مطعم بمجرد تقعد على الطاولة نزلت الغطا !! ليه ياماما ؟؟ تقولك يوه جرسون وبعدين مو سعودي!!!!
يعني في نظرها انو بس السعودي هو اللي رجال ولازم تغطي منو؟؟
وفيه قصة احب استشهد فيها صديقه لي مره ركبت لموزين هي واخواتها واخوهم
وطبعا في بالهم انّو السواق بنغالي او هندي واخدو راحتهم بدأو ياكلو شيبس ويشربوا المهم فنص الطريق سأل السواق عن وجهتهم فين؟؟ ومن خلال اللهجه عرفو انو سعودي واتفا جئو سعودي !! سعودي بداو يصرخوا ويغطوا وجيههم بس لما عرفوا انو سعودي؟؟
يعني ياحرام الا جنبي ما يفتن لما يشوف وجهك بس السعودي هو اللي يفتن؟؟؟؟؟
تعليق:
انا في رأي المتوضع انو هادي المسألة مرتبطة بايش تنظر المرأة او البنت الى الحجاب
عادة أم عبادة؟؟؟؟
واخيرا اسفة للاطالة واتمنى انو تشاركون بار ئكم
تحياتي اختكم بنت تستهبل