من اقوال الشعب

[الاسباني]

* إذا الشعب يوما أراد الحياة فلا بد ( أن تستجيب وزارة الصحة ) .

* إسأل مجرب و لا تسأل طبيب (لأن اللي في مستشفى حكومي بتفطس قبل تدخل عليه ، و اللي في أهلي بتطفر قبل يعلمك وش فيك ) .

* لا تؤجل عمل اليوم إلى الغد ( خله للأسبوع الجاي و الا اللي عقبه أمر الله من سعه ولا تخاف مافيه أحد بـيسألك ( ليش ماخلصت المعاملات و الا ليش عطلتَ المراجعين !! )

* متى يبلغ البنيان يوما تمامه إذا كان ( اسمك في الصندوق العقاري ما يطلع إلا عقب 30 سنه )

* ولا خير في حسن الجسوم وطولها ( إن كان مافي رصيدك الا الفقر )

* قم للمعلم ( وعطه طراقين ترى مافيه تعميم يمنع ضرب الطالب للمعلم !! )

* لا تحسبن العلم ينفع وحده ( لازم يصير عندك واسطة و الا منتب شام الوظيفه )

* لا تنه عن خُلُقٍ وتأتي مثله ( إلا كانك مسؤول كبير مايخالف )

* المستجير بعمرو عند كربته كالمستجير ( من الجوال بموبايلي )

* إن الشباب والفراغ والْجِدَة (تخلي طريق التحلية مليان سيارات )

* وما نيل المطالب بالتمني ولكن تؤخذ الدنيا ( بالوسايط ولا يهون النسَب)

* إذا كنت لا تدري فتراك (دلخ ) وإن كنت تدري وساكت ( فتراك زلابه )

* العزوبية تاج على ( رؤوس العزاب لا يراه الا المتزوجين ) .

* اللي عنده مال ومحيره ( يدخل سوق الأسهم ) ويطيّره .

* إذا زلّ العالِم ( الله يعينه على الشرشحه في الساحات )

* انطر يا حمار لين يجي ( موعد إقلاع رحلة الخطوط السعودية !! )

* إذا صار صاحبك عسل (فالحسه كله قبل يلحسه غيرك )

* اللي ما تطوله بيدك ( قل للي جنبك يعطيك اياه )

* إن غلا اللحم ( فلا تستغرب لأن حماية المستهلك نايمين نومة أهل الكهف )

* أعز مكان في الدنا ( مرتبة بي إم )

* الكتاب يقرأ من عنوانه ( ثم ينطل )

* إذا رأيت نيوب الليث بارزة ( فحط رجلك )

* إذا أردت أن تطاع فـ ( خلك مدير )

* ( الواسطة ) كنز لا يفنى

:358:

[سمو الذات]

يعطيك العافيه الاسباني
فجميع ماقلت وواقعي

[شمعة الجلآس]

عسآآآااك ع القوه
لآتحرمنآ جديدك

[جرح االغالي]

اشكرك جزيل الشكر على هالامثال والمقولات الطيبة والله حيييييل استفاديت منها وبصراحة تامة لا استطيع ان اصف مشاعري الداخلية لاني فرحت كثيرا عندما قرأت هذه الاقوال ....واخيرا لا استطيع ان اقول غير اشكرك جزيل الشكر...

[شمس الأصيل]

* إذا زلّ العالِم ( الله يعينه على الشرشحه في الساحات )


لووووووووووووووووووووووووووووووووووووووووووووووول قو هيد اسباني لوووووول