تعطــي البـزر وجـه ... يوريك ....................

[قطرة مطر]

;}
كم فينا من شخص استبثر عليه طفل ؟

وكم فينا من شخص .. احرجه طفل ؟

وكم فينا من واحد .. تسطر من بزر ؟


http://arabic.arabia.msn.com/Images/kids_150_tcm35-1470068.jpg





المواقف كثيره وكم مره نتوب بعدها ... بس مشكلة شفقتنا ع الصغار هي السبب !

ياكم ادبت نفسي وقلت لاتعطينهم وجه .. لاتسولفين مع البثرين ، لاتلتفتين عليهم ... بس اعجز امسك نفسي ! استاهل



http://img.skitch.com/20100714-e3cagydb8j8hbd7y1ub9dujf2w.jpg


قد تستغرب عزيزي القارئ من هذه المقدمه الحاقده على طيور الجنه ..
لكن بعد سيل من المواقف المؤسفه المذكوره ادناه .. لن يتبق مجال للاستغراب والتتنيح بل واكاد اجزم انكم ستشنون معي حمله لنفي البثرين من على وجه الارض http://vb.eqla3.com/images/smilies/frown.gif



- 1 -



واحد من الصغار الله يهديه مره بثر مره مره يعني http://vb.eqla3.com/images/smilies/biggrin.gif .. عمره تقريبا 4 الى 5 سنوات

ولا قد صار بينا احتكاك الا ذاك اليوم المشؤوم ، طلعت ع الحوش ولا مافيه الا هو وولد عمته وقعدت وجو لي

قلت في نفسي خن اكتشفه .. وابدا اسولف معه شوي صار يقول كلام مب زين http://vb.eqla3.com/images/smilies/biggrin.gif ، تركته ودخلت عند الحريم

وانا واقفه .. في نصصص الحريم ، مادريت الا ويلفني ريموت يخبط راسي ذيك الخبطه !

التفت ولاه هو يضحك .. انا فيني الضحكه من الفشيله بس قلت لازم اعطيه نظره تأديبيه
وليتني ماسويت فيها .. يوم حطيت عيوني بعيونه على اساس معصبه اتجه لي وهو يقول خير خير ويلصق برجولي قدام الحريم على اساس بيضارب http://vb.eqla3.com/images/smilies/frown.gif !



http://www.swefonline.com/userfiles/image/angry_child.jpg


موقف مشابه له طااازه امس ..

للاسف انه من احد اطفالي المميزين .. تقريبا عمره 3 سنوات ، كان يحاول يناديني بين العالم بس مايعرف اسمي ..

التفت عليه والعالم ساكتين قلت يالله ابي اول تقول عذووق .. بكل حنان وسكينه ووقار http://vb.eqla3.com/images/smilies/biggrin.gif

فجأة رجم علي لعبه كبيره معه وهو يضحك !

انا : http://vb.eqla3.com/images/smilies/Looking_anim.gif + محاولة تصريف http://vb.eqla3.com/images/smilies/biggrin.gif

اللي حولي : كاتمين ضحكتهم






- 2 -


طالعين مخيم .. وانا جايبه لبس لشخصيه كرتونيه للصغار

ردات فعلهم اختلفت .. فيهم اللي فرح وصور معي وفيهم اللي خاف .. وفيه اللي مابعد اكتشف وش مشاعره .. يتطنز شوي وشوي يقول بصور معك

وفيه اللي كفخني .. هذولي اللي كفخوني بالذات خنسلط الضوء عليهم شوي ونشوف وش سووا


طول الطريق وانا متجهه لخيمتنا مخلصه بغير اللبس .. وهم يا يسحبون اللبس من ورا يا يضحكون

وانا كانت موصله معي ولا فيه مجال للتفكير شلون احل مشكلة هالبثاره المستفحله .. امشي وساكته

دخلت الخيمه وخليت اخوي الصغير يوقف برا يحرس لحد يدخل عشان بلبس

وانا في غمرة اللبس http://vb.eqla3.com/images/smilies/biggrin.gif يعني خلاص مايصير احد يشوف .. اسمع صوت بثارتهم واحد ينادي الثاني : تعال تعال شوفها من هنا


قاعدين يطلطلون من دوائر الخيمه هذيك

لاتعليق ؟





http://www.farfesh.com/article-images/b07228143726.jpg







- 3 -


كنا نلعب كوره يالبنات .. والعيال يتفرجون ويضحكون ، سبحان الله حبكت يصير التعليق والمسكه علي ، يمكن بلا مالي هيبه عندهم http://vb.eqla3.com/images/smilies/frown.gif ؟

الزبده ان حصل ودخلت الكوره بين رجولي http://vb.eqla3.com/images/smilies/biggrin.gif
ويجتمعون لكم 4 مبزره ( من اولى لين رابع ) يلاحقوني بعد ماخلصنا لعب ( ياحوليااااه .. ماتشوفين الكورااااه .. دخلت كبرررري هاهاهاها حوليااااااه )


والله ماابالغ اني حتى ماالتفت عليهم وهم يلاحقون وكل شوي ينظم لهم واحد

قلت بدخل عند الحريم يمكن يستحون ويظفون وجههم http://vb.eqla3.com/images/smilies/biggrin.gif

دخلوا وراي وعلت اصواتهم ! والحريم كثييررر وهم : حوليااااه ياحووولييييي


اخواتي استحوا وصاروا يأشرون لي اطلعي http://vb.eqla3.com/images/smilies/biggrin.gif!

طلعت وانا اهوجس امشي والشعب يغرد وراي .. شلون احل هالمشكله http://vb.eqla3.com/images/smilies/biggrin.gif

لين التفت عليهم وضحكت معهم وخشيت في جوهم .. فجأه يوم قال الرئيس حقهم انتي خلاص اسمك كبررري هاهاها .. سويت البريئه قلت طيب يعني شلون مااخليها تدخل بين رجولي http://vb.eqla3.com/images/smilies/redface.gif علمني http://vb.eqla3.com/images/smilies/frown.gif ؟

والله ودكم تشوفون كيف انصفق وجهه وسكتوا اللي معه ! هههههههههههه

فجأه تغير كلامه وصار يوريني كيف وبكل حماس شلون اصير العب زين .. هو والباقين يشاركونه



والحمدلله افتكيت من تفشيلهم والمباراة اللي بعدها كلهم صاروا يشجعون فريقي
http://vb.eqla3.com/images/smilies/004.gifhttp://vb.eqla3.com/images/smilies/biggrin.gif




برب



- 4 -

في الطياره .. ابثر عيال على وجه الارض ، ولله الحمد ماكنت جنبهم بس اشوف مرة خالي قدامي ياعمري ماتعرفهم فصارت فيها < ذيك الرحله بالصدفه تلاقينا كلنا http://vb.eqla3.com/images/smilies/biggrin.gif

ولكم ان تتخيلوا وش ماسووا فيها .. هم 2 واحد عمره 5 والثاني اصغر بسنه

اكلها حاسوه عليها .. الثلج كبوه في شنطتها ! اكلهم من زود البثاره انحاست منه عبايتها


وهي منقهره ياقليبي تقول امهم ولا كلمه ! http://vb.eqla3.com/images/smilies/n/sm1.gif



سؤالي : لو كنت بموقف مرة خالي وش التصرف الصحيح ؟



http://www.alrai.com/img/207500/207508.jpg



- 5 -

في العزا ننقل كراسي و احد المستبثرين المعانديين تعلق برجول الكرسي اللي شايلته ومعيي يتحرك ماسكه مره ! وحنا نحتاج ندخل الكراسي والحريم يتفرجون فاضيات وبيشوفون بس وش بسوي .. اكلمه بهدوء ، ماينفع .. تهديد ووعيد http://vb.eqla3.com/images/smilies/biggrin.gif.. ماينفع ، ترغيب ، مانفع / كلللل ماخطر ببالكم سويته - عدا مد اليد طبعا - ومع ذلك مانفع ، رحت وتركته وامه جت وسطرته لين ترك الكرسي هههههههههه

السؤال يقول : في هالموقف مثلا ابي حل غير الطق ، وكل انواع التفاهم سويتها وماجابت نتيجه ؟




http://img.skitch.com/20100714-beknih6k1jqx1fsbfum6m9r746.jpg



- 6 -

البثر لما يحب ههههههه :

مره كنا مجتمعين يالبنات ومسكرين الباب .. ويدخلون 2 من الصغار نطردهم ولا يطلعون وحنا فاضيات
قمنا انا واختي وقلنا ترا ان ماطلعتوا بنبوسكم !

ويضحكون عاجبتهم السالفه ! ونلاحقهم انا واختي كل وحده على واحد وهم يراكضون بالغرفه منحاشين لين كل وحده حصلت مرادها غصب وطلعوا .. ماكملت دقيقه الا يدخلون يراكضون مره ثانيه يقولون اتحدااك ماتقدرييين اصلااا http://vb.eqla3.com/images/smilies/S_45.gif على اساس ماودهم http://vb.eqla3.com/images/smilies/biggrin.gif

الزبده عقب هالموقف كل واحد عشق اللي عطته بوسه بس كلن وله طريقته http://vb.eqla3.com/images/smilies/biggrin.gif

حبيبي مثلا صار يترزز ويقول اصلا انا اعرف اسمك اصلا انا اعرفك من زمان واصلا انتي احلى وحده بالعالم وكل ماشافني يتبوسم ويجي يسلم هههههههه هذا وش حليله

حبيب اختي العكس ! صار يهتم لها بشكل ، بس باسلوب غريب .. يرتبك مثلا اذا شافها واذا كلمته جا طقها ولا تطنز عليها لدرجة هي ياعمري توهقت صارت اذا شافته حمر وجهه وحاول يصرفها ويجي يرجفها مثلا


سؤالي .. وش تسوون لو شد شعرك/ شد شماغك ، طفل وسط ناس ماتمونون عليهم ؟ http://vb.eqla3.com/images/smilies/biggrin.gif




http://www.shamsqatar.com/up3/get-9-2009-udfvn03p.jpg




وش تسوي اذا قابلت طفل يكب لك عفش اهله ؟

هذي صارت لي مع وحده من الصغار سولفت معها شوي مادريت الا وتسرد لي تاريخ عايلتهم ! والمشكله امها موجوده مع الحريم وكل شوي تلتفت تبحرها بنظره بس ماتفهم !

وانا والله والله اني اتصدد عنها واسوي اسولف مع بنت عمتي جنبي تروح تمسك دقني تبيني التفت عليها وتكمل لي سرد لوقائع حياتهم ، واصلا امي تقولي واصلا ابوي كذا وكذا .. لين قمت عنها http://vb.eqla3.com/images/smilies/frown.gif



ماذا تفعل لو ابنك يكب العفش http://vb.eqla3.com/images/smilies/biggrin.gif




واخيرا نسأل الله لهم الركاده ولنا الصبر http://vb.eqla3.com/images/smilies/biggrin.gif


...

ياحبذا لو نشوف مواقفكم .. اراءكم ، تعليقاتكم http://vb.eqla3.com/images/smilies/004.gif


المايك لكم http://vb.eqla3.com/images/smilies/rose.gif




منقوووووووووووول

[قطرة مطر]

لييييه ماحد علق>>:121:>>>>
وين الردوود والتفاعل>>>>:121:

[وحيده كالقمر]

هههههههههههههههههههههه

موضوع مررررررره خطير

مره أختي كانت تتكلم بتلفون مع صديقتها وجالسين يتكلمون وين رحتو وين جيتو عاد كانت تستهبل مع صديقتها لان صديقتها مره تمون لأنها كانت بنت جيرانا

والله رحنا تمشينا وبعدين رحنا شليهات وأخوي صغير عندها إلا هو يصيح وجالس يبكي متى رحتو وخليتوني ماخذتوني معاكم

وأختي وصديقتها صاروا يضحكون من كثر مايبكي طبعا هو أخر العنقود يعني مدلل قالت مارحنا بس استهبل عليها ماصدق

إلا لما راح عند أمي يسألها وقالتاه لا مارحنا وشلون نروح ومناخذك عاد صدق امي وسكت

عاد أختي ماتنساها تقول أهون إني أمون عليها شلون لو أنها وحده ثانيه كان فشني معاها من كثر مايبكي

[قطرة مطر]

هههههههههههههههههههههههههههههههههههههههههههههههههه ههههههههههههههه

الله يعين جد عليهم

مشكوووووووره اخت وحيده على الرد

اسعدني تفاعلك:134:

[مراسيل الوفاء]

يعطيك العافيه >>اذا تذكرت موقف رجعت لكم

[شماليه]

يعطيك العافيه موضوع رائع وعن نفسي اتعامل مع الاطفال عموما بمبدء الابتسامه واقدر احتوي مفاجأئاتهم بسعة بال كوني اُم ومر علي من اولادي كثير لكن عدت ع خير



يسلمو ع الموضوع الرائع

تحياتي

[قطرة مطر]

اسعدني مروورك اخت شماليه والله يخليلك عيالك ويصلحهم لك :160:

لاعدمناكم

[قطرة مطر]

اسعدني مروورك اخت شماليه والله يخليلك عيالك ويصلحهم لك :160:

لاعدمناكم