كآدي
06-09-2010, 06:20 PM
كل مافي الأرض ينذر بالمفارق...~ والغياب
اللقا .. والشمس .. وحروف الرسايل .. والقبور
وش بقى يوم أكتشفت أن آخر الدرب السراب ؟!
والبحر دمع لسواحل هاجرت عنها الطيور !
مالحزني صوت ؟ .. مدري هو خطأ والا صواب !
بـس أعرف أني حزين وصوتي الليله جـهور
من يدّثر صوتي الليله ويكسب له ثـواب ؟!
مالها يالشعر../ غيرك أنت .. ياجبر الكسور
يكفي أني .. لابكيت بدونك أشعر بإرتياب
وكل ماأبكي فيك أشوفك لي عن اللي فيّ سور
أدري بيوتك عرايا .. لكن أوزانك ثـيـاب
لبّس جروحي من أحزانك وألبّسك الصدور
كان ياما كان والنسيان للعشّاق بـاب
عاشق ٍ لاشدّ درفة باب .. صاح بلا شعور
يقدر النسيان ينزع غصن من فوق التراب
بس مايقدر يقرّب للتراب وللجــذور
كيف أبنسى ذكريات الطيش الأول .. والشباب
ورفقة الليل العتيقه .. وأول الفـجـر الطهور
والمواعيد وشغبها .. والولـه قبل العـتاب
وساعة ٍ كم كنت أحاول في عقاربها تدور
والمكان اللي وهن سقفه من ..الفرقا وشـاب
من بعد ماكان يحضّنا مثل طفل ٍ غـيـور
والمطر لا لوّن الشارع .. وقلنا للسحاب :
بللّ أيدينا .. ترى العشّاق أياديـهم زهور
كيف أبنسى والرياض لسيرتي مثل الكتاب !
حافظتني بيت بيت .. و حي حي .. و دوُر دوُر
من كثر ماكنت أدوّر في شوارعها جواب
هو صحيح الحب أعمى ! أو عيون الناس عور ؟!
كنت أشوف الحب عذب .. وهم يشوفونه عذاب
كان هذا الحب سر ! .. وقلته وكلي سـرور
علمّوني في المدينه كيف لاحبيت أهـاب
لكن القريه قمرها قال : كن للحب نــور
في بلادي كنت عاشق .. بس شاعر بإغتراب !
لين صرت الشاعر اللي تعشقه كـل البحور
علمّيني يالقصايد هو خطأ والا صواب ؟
لارفضت أنسى عيون..عشتها شعر وشعور
هذا أنا لحالي .. هزيل الحال .. وأشعر بإكتئاب
كن قلبي جال بحر ٍ هاجرت عنه الطيور
أجرع الفرقا وأقول الحب عذب .. وللعذاب ..
كل قلب ٍ لاحرمه الوقت من خلّه .. يبور
ولين هذا اليوم أدوّر في المدينه عن جواب
ليه في شرعك .. يكون الحب معنى للفجور ؟!!
فهد المساعد
اللقا .. والشمس .. وحروف الرسايل .. والقبور
وش بقى يوم أكتشفت أن آخر الدرب السراب ؟!
والبحر دمع لسواحل هاجرت عنها الطيور !
مالحزني صوت ؟ .. مدري هو خطأ والا صواب !
بـس أعرف أني حزين وصوتي الليله جـهور
من يدّثر صوتي الليله ويكسب له ثـواب ؟!
مالها يالشعر../ غيرك أنت .. ياجبر الكسور
يكفي أني .. لابكيت بدونك أشعر بإرتياب
وكل ماأبكي فيك أشوفك لي عن اللي فيّ سور
أدري بيوتك عرايا .. لكن أوزانك ثـيـاب
لبّس جروحي من أحزانك وألبّسك الصدور
كان ياما كان والنسيان للعشّاق بـاب
عاشق ٍ لاشدّ درفة باب .. صاح بلا شعور
يقدر النسيان ينزع غصن من فوق التراب
بس مايقدر يقرّب للتراب وللجــذور
كيف أبنسى ذكريات الطيش الأول .. والشباب
ورفقة الليل العتيقه .. وأول الفـجـر الطهور
والمواعيد وشغبها .. والولـه قبل العـتاب
وساعة ٍ كم كنت أحاول في عقاربها تدور
والمكان اللي وهن سقفه من ..الفرقا وشـاب
من بعد ماكان يحضّنا مثل طفل ٍ غـيـور
والمطر لا لوّن الشارع .. وقلنا للسحاب :
بللّ أيدينا .. ترى العشّاق أياديـهم زهور
كيف أبنسى والرياض لسيرتي مثل الكتاب !
حافظتني بيت بيت .. و حي حي .. و دوُر دوُر
من كثر ماكنت أدوّر في شوارعها جواب
هو صحيح الحب أعمى ! أو عيون الناس عور ؟!
كنت أشوف الحب عذب .. وهم يشوفونه عذاب
كان هذا الحب سر ! .. وقلته وكلي سـرور
علمّوني في المدينه كيف لاحبيت أهـاب
لكن القريه قمرها قال : كن للحب نــور
في بلادي كنت عاشق .. بس شاعر بإغتراب !
لين صرت الشاعر اللي تعشقه كـل البحور
علمّيني يالقصايد هو خطأ والا صواب ؟
لارفضت أنسى عيون..عشتها شعر وشعور
هذا أنا لحالي .. هزيل الحال .. وأشعر بإكتئاب
كن قلبي جال بحر ٍ هاجرت عنه الطيور
أجرع الفرقا وأقول الحب عذب .. وللعذاب ..
كل قلب ٍ لاحرمه الوقت من خلّه .. يبور
ولين هذا اليوم أدوّر في المدينه عن جواب
ليه في شرعك .. يكون الحب معنى للفجور ؟!!
فهد المساعد